പി മുഹമ്മദ് കുട്ടശ്ശേരി
റോമായുദ്ധം നടക്കുമ്പോഴുണ്ടായ ഒരു സംഭവം ചരിത്രകാരന്മാര് വളരെ ആശ്ചര്യത്തോടെ റിപ്പോര്ട്ട് ചെയ്യുന്നുണ്ട്. യുദ്ധത്തിന്നിടയില് ശത്രുക്കള് ഒരു മുസ്ലിം ഭടനെ പിടിച്ചു ബന്ദിയാക്കി. അയാളില്നിന്ന് സൈനിക രഹസ്യങ്ങള് ചോര്ത്തിയെടുക്കാമെന്ന് കണക്കുകൂട്ടി. രാത്രി അയാളുടെ കൂടെ സുന്ദരിയായ ഒരു സ്ത്രീയെയും പാര്പ്പിച്ചു. അയാളെ വശീകരിച്ച് രഹസ്യങ്ങള് ചോര്ത്തിയെടുക്കുകയായിരുന്നു അവളെയേല്പിച്ച ദൗത്യം. യുവതി എല്ലാ വിദ്യകളും പ്രയോഗിച്ചുനോക്കി. പക്ഷേ, മുസ്ലിം ഭടന് അവളെ ശ്രദ്ധിച്ചതേയില്ല. അയാള് നമസ്കാരത്തിലും പ്രാര്ഥനയിലും മുഴുകുകയായിരുന്നു. നേരം പുലര്ന്ന് ആകാംക്ഷയോടെ കാത്തുനിന്ന ജനം വാതില് തുറന്നപ്പോള് വിവരം തിരക്കി. യുവതിയുടെ പ്രതികരണം ഒറ്റവാക്കില്: നിങ്ങള് എന്റെ കൂടെ കിടത്തിയത് മനുഷ്യനല്ല; കരിങ്കല്ലാണ്.
