അബ്ദുല്വദൂദ്
പണ്ട്: “മോഷണത്തിന്റെ പേരില് നബി(സ) കൈ മുറിച്ച വ്യക്തിയെ ഞാന് ഓര്ക്കുകയാണ്. അയാളുടെ കൈ മുറിക്കാന് കല്പിച്ചപ്പോള് തിരുദൂതരുടെ മുഖം ദു:ഖത്താല് വെണ്ണീറു പുരണ്ടതു പോലെ നിറം മാറിയിരുന്നു. ചിലര് ചോദിച്ചു: അല്ലാഹുവിന്റെ റസൂലേ, അയാളുടെ കൈ മുറിക്കുന്നത് അങ്ങേയ്ക്ക് ഇഷ്ടമില്ലെന്നു തോന്നുന്നു. നബി(സ) പറഞ്ഞു: അതെ, എങ്ങനെയാണ് ഞാനത് ഇഷ്ടപ്പെടുക? നിങ്ങള് നിങ്ങളുടെ സഹോദരനെതിരില് പിശാചിനെ സഹായിക്കുന്നവരാകരുത്. ശിക്ഷാര്ഹമായ കുറ്റങ്ങള് ഭരണാധികാരിയുടെ മുന്നിലെത്തിയാല് ശിക്ഷ നടപ്പാക്കുകയല്ലാതെ നിര്വാഹമില്ല. എന്നാല്, അല്ലാഹു വിട്ടുവീഴ്ച ചെയ്യുന്നവനും വിട്ടുവീഴ്ച ഇഷ്ടപ്പെടുന്നവനുമാണ്. അല്ലാഹുവിന്റെ വചനം നിങ്ങള് ഓര്ക്കുന്നില്ലേ; `ജനങ്ങള് മാപ്പു നല്കുകയും വിട്ടു വീഴ്ച ചെയ്യുകയും വേണം. അല്ലാഹു നിങ്ങള്ക്ക് പൊറുത്തു തരണമെന്ന് നിങ്ങളാഗ്രഹിക്കുന്നില്ലേ? അല്ലാഹു ഏറെ പൊറുക്കുന്നവനും കരുണാനിധിയുമാണ്.” (24:22)
_____(ബൈഹഖി, സുനനുല് കുബ്റാ 8:326)
